Modernizatu
Modernizatu
Ingurumen Egutegia, 2018-2019
Hondakinen bilatzailea
Hondakinen bilatzailea duzu hau. Hondakin bakoitza non utzi behar den jakiten lagunduko dizu. Hiru modu dituzu bilaketak egiteko: abde-a erabilita, frakzio edo hondakin mota hautatuta edo objektu/hondakin jakin bat idatzita. Nahi baduzu, deskargatu hiztegia pdfn hemen
HONDAKINEN BILATZAILEA
Bagoazz
Hondakinak gaika sailkatzeko 2018ko otsailean indarrean sartuko den zerbitzu berriaren komunikazio kanpainaren marka da Bagoazz.
Aia, Getaria, Orio, Zarautz eta Zumaian, batez beste, hondakinen %40 bakarrik biltzen dugu ondo sailkatuta. Gehiago zergatik ez? Kanpainaren bidez herritarrei dei egiten diegu, kanpainarekin bat egin eta zerbitzu berriarekin hondakinak ondo bereizteko. Helburua argia da, 2018an ondo bereiztuta %60 biltzea eta 2020an %75.
Zisare programa
2005. urtean hasi ginen eskualdean konposta egitea bultatzeko ekimenekin eta 2015ean 700dik gora familia dira eskualdean konposta egiten dutenak (2.000 pertsona inguru).
2015ean beste urratsa bat egin eta Zisare programa jarri dugu martxan, eskualdeko ikastetxeetan konposta egitea sustatzeko eta gaia 3 ikuspegi hauetatik lantzeko:
- Konposta biohondakinak tratatzeko bide gisa
- Hondakinen prebentzioan sentsibilizazio tresna gisa
- Tresna didaktiko gisa
2015-2016 ikasturtean Zisare programan parte hartzen ari dira eskualdeko ikastetxe guztiak: Zarautzen Antoniano, La Salle-San Jose, Salbatore Mitxelena, Orokieta eta Lizardi; Zumaian Oikia, Maria eta Jose, Zumaiko Institutua eta Herri Eskola; Orion Juan Zaragueta eta Orioko Herri Ikastola; Getarian Iturzaeta eta Aian Lardizabal Herri Eskola. Proiektu horretan LH4ko eta DBH1eko ikasleek hartzen dute parte (943 ikasle).
Eskolako Agenda 21eko udalbatzarrak
Maiatzean zehar ikasleek udal ordezkariei aurketzuko dizkiete ekitatearen inguruko gogoeta eta proposamenak
Eskola Agenda 21a garapen iraunkorreko ingurumen hezkuntza lantzeko tresna da. Gure bailaran, 2015-16 ikasturtean Getaria, Orio, Zarautz, Zestoa eta Zumaiako ikastetxe guztietako 15 ikastetxe eta 6.098 ikasle ari dira parte hartzen.